إغسل قلبك بالندي
إفرد جناحك وعيش
إعزف على وتر الحياة
لحن حريه
مرجيحة الريح مُتعتك
قضبان همومنا ... تِموِّتك
إملا جوفك م المدي
و اشبع غُنا
كدحان سفر
بتحُطِّنا على سور شقاوة الروح
بتعلِّمنا ..
أول درس على سبورة الدنيا
دوس على أخوك .. بس استره
|
ــــــــــــــــــــــــــــــــــــــــــــــــــــــــــــــــــــــــــــــــ
اوعي وجعه .. تنشُره
و اما تِتفنن فى موته
اترمي ف صدر البكا
و طبطب على روحه
..
اعصره
يختفي ذنبك ف لونك
تعلي فوق سُحب الندم
و احنا ... ننسي نتعجن
بطين البراءه
نستخبى ف سراديب الزمن
نتوه عن عيون الحقيقه
ندور على روحنا
لحن تايه على وتر الحياه
السويس 15 يونيو 2004
ليست هناك تعليقات:
إرسال تعليق