انا كنت حاسبه حسبتي
و انت ف آخرها
أطوف بعمري ف دنيتي
و أنول وصالها
أملي
سفاين حلمي بالحياه
و ف بحر من غير إسم
ارمي حمولها
كنت انت ع الشط
انتظار
رايه .. شمندوره
عاشق سرسوب ضلِّي
بتقول عنيك
أنا .. أول الرحله
|
ــــــــــــــــــــــــــــــــــــــــــــــــــــــــــــــــــــــــــــــــ
أنا البحَّار ..
شوفت احتمالاتك
قدر ..
حابب يعاند
عارف طريقُه للوجع
حابس ف حزن
اللولي ف جفوني
وقت امَّا اسلِّم لك
مصيرها
غطيت خطاوي القدم
بشلالات الشوق
و طِلْعت الحسبه غلط
قَسَمت ف وسط الموج
|
ــــــــــــــــــــــــــــــــــــــــــــــــــــــــــــــــــــــــــــــــ
جنِّنِت عقارب بوصلتك
البحر هايج
و انت بتضرب ع الشط
كف ..
وبتنتظرني
بألف أمنية حياه
و البحر قايل كلمته
الجمع لأ
القسمه لأ
الطرح آه
السويس
ليست هناك تعليقات:
إرسال تعليق