بلغني أيها الملك المتوجِس
ذو القلب التعِس
بإن اللي كان ف الغيب
وساوس
و انتَ اللي اتقصد بالهم
كل اللي خانك كان كده
امَّا انت زي الفجر
عمرك نقي
بتحب حضن الضي
و بتعشق القلب التقي
و يا مليكاً أنا منهُ
أُحدِّثُ عنْك لو سألوا
أتسمحُ أنْ أُحاكيكَ
|
ــــــــــــــــــــــــــــــــــــــــــــــــــــــــــــــــــــــــــــــــ
بلغةِ يومٍ لم تُزامِنهُ
بلغني يا مالك
إن المواثيق بتتهالك
و ان الوريقة اللي ما اتكتبتش
ماتت
دلوقتي حلم البنت
عَقد و ورق مشروط
تكتب عليك السكه و تربطك بقيود
و ان طق بركان غضب
تخلع ما تترددش
قالوا الزمان اتعدَل
و الكفتين اتساوو
يعني شوية عَدْل
|
ــــــــــــــــــــــــــــــــــــــــــــــــــــــــــــــــــــــــــــــــ
للبسكويت ليسيح
و الحق بقه يتاخد
مش إذن و لا تصريح
و إنت ..
على
الراس
لكن بلا تجريح
تهيج سفاين غضبنا
نترمي ع الشط
لا دمعه تحرق خد
و لا شنطه شايله العمر
و لا سيف بكلمه يهد
يا سَيدي مهلاً
قد كان مِنَّا العُذر
و لتحِتَمل صبرًا
|
ــــــــــــــــــــــــــــــــــــــــــــــــــــــــــــــــــــــــــــــــ
لما
الطوفان ده يمُر
يا نكون نفس واحد
يا تحين ساعات الهجر
عُمر الطيور يقصر
لو كبلوها ف قصر
بالعافيه متغنيش
و حوا فيه زيها
جنس اتخلق فيعيش
مش روحه جوه الورق
و الشخط و التهميش
فيه اللي يهوى الطير
و القعده خلف الشيش
فيه اللي تتهامس
|
ــــــــــــــــــــــــــــــــــــــــــــــــــــــــــــــــــــــــــــــــ
و تموت ف ساعة عشق
لو بيتها كان م الخيش
و مِنُّه واحده تحب
حُب الإراده يعيش
صوتها يكون مسموع
نظرتها سيف قاطع
لا تنحني بالقهر
و لا تتركن تبكي
تستنى لحظة صفح
أيقنتَ يا ملكاً
أن الأواني تَثور
و تطلبُ الإنصافَ
من كل حُرِ جسور
|
ــــــــــــــــــــــــــــــــــــــــــــــــــــــــــــــــــــــــــــــــ
و العَيشُ بالحبِ
و الحُرُ للحُرِ
من دونِ أقفاصٍ
حتى و لو ذَهبِ
و العمر مش ورقه
و جدار ف لحظه يخور
و اهو هو ده المنتهى
عيشاً على أدبِ
أو .. خُلعاً بدونِ فجور
و يأدِّن الديك النهارده
و بكره أكيد هنقول
ليست هناك تعليقات:
إرسال تعليق