مركونه كل السيوف
ع الحيط
و بدلة الصولجان
و البندقيه الميري
للعرض فقط
..
رافعه إديها جلدة التواريخ
بتلم دمع السنين
و عِز عُمره ما فكَّر
إنه فى يوم هشيخ
كل السيوف اللي بريقها
كان يعمي عين الريح
ماتت على روحها
فجأة .. رجعت
|
ــــــــــــــــــــــــــــــــــــــــــــــــــــــــــــــــــــــــــــــــ
كل السنين .. للخلف
و بتترعش م الخوف
عايزه الكابوس ينصرف
يحلف ما هو مصروف
دمع الحيطان فايض
نازل على جدورها
و الذل نظره بتنكسر
على مزلقان العمر
البيت .. تاريخ قديم
فى كتاب كبير أصفر
عجوز .. مركون
عصايه تايكه
كانت بترهب
|
ــــــــــــــــــــــــــــــــــــــــــــــــــــــــــــــــــــــــــــــــ
لعب العيال
شخطه قديمه
متسجله علي جرامفون
إبرته انكسرت
م الرَكنه
رسومات صوابع جدِّنا
بيحدِّفونا بالجتت
بيصلِّبونا على روحنا
ليست هناك تعليقات:
إرسال تعليق