بارفع إديَّه و احاول أطير
و اخبَّط فى موج الهوا
فيكسرني ..
القاني نازله لسابع ارض
كتبت يافطه كبيره .. بتقول
لأه .. مش عايزه
أتخنق ف دايره
و لا عايزه شكل مربع
أضلاعه زي بعض
الطول زي العرض
اللون مفروض .. فرض
الليل مسكون بالصمت
و رعشة كل حروف الكلمة
|
ــــــــــــــــــــــــــــــــــــــــــــــــــــــــــــــــــــــــــــــــ
و خبطة قلب كان فاكر
إنه جرئ ..
و هايقدر على صد الريح
بإديه
لكن فجأة اتحدف على طول
دراعات الخوف
لمّوه من تحت رجلين
تلاميذ المدارس
اللي بيتهجوا حروف العمر
و بيسمَّّعوا أناشيد الحرية
و يرفعوا اديهم لاجل ما تطول
العلم .. لكن .. مبيقدروش
السويس مايو 2005
ليست هناك تعليقات:
إرسال تعليق