بره نفسي
4 حيطان و عمر طويل
فى آخره .. وشك
بس الحقيقه
انا مش هاغشك
الحلم مولود ميت
و يوم الطرح ...
الزرع صابه العَطب
ام الجدع مفطوره م البكا
والبنت النور
نازله شاحبه
كان فيه .. كان لسه
ماكنش ...
أصل الحلم الخايب عمره قصير
|
و التوب الدايب ياكل صاحبه
و يموت العصفور لو غَمّوا عِنيه
وان ربطوا جناحه
راح يصبح زينه
مخنوقه حلاوة زأزأته
مشنوق على اربع حيطان
صدي صوت .. بايت
بيكرر نفسه
زي راديو قديم مركون
على .. رف عمري
فجأه .. البرد بِيخبَط
جدران العمر
الخيط اللي بيربط أيامي
|
ببعضيها بيفِك نفسه
و بيحدفني .. بره نسيج نفسي
أقع غرزه .. غرزه
لحم السنين بايش
و الإبره اللي شدت
توب الستر
إتقطم ضهرها
فجأه
ليست هناك تعليقات:
إرسال تعليق