موضه قديمه
اللي انجرح إنت
و اللي نزف قلبي
وأما اندبحت ..
أنا ف الحقيقه اللي مت
يوم ما اتبعتر وجودك
و بقيت عدم
قمت انتهيت
حسيت بتلج بيجري
ف عروقي
و النار ماسكه ف جدري
الخايف ينكسف ليسجنوه
دمع الوداع ..
موضه
قديمه
|
مبقتش تسحرني
و انت شايلني فى جيب
جنب قلبك
و ضلعي بيصرخ
لتنساني مره
و تركن مشاعرك
فى جيب الجكته
اللي ضمه خيوطها
حقيقه بتنطق
حاسب ..
لتكسر عيوني الإزاز
و إنت بتعمل إنك واحشني
بتحضن حنيني و سكاتي
|
و تعصر كياني وكدبك لاففني
شايفني ..
فى ركن منسي
و متهاله عليه السنين
شقاوي يا قلبي
و مسقي انتظار
و وعد و أماني
ف برواز خانقني
بيسلب بريق
انتفاضة نهار
و يرخي على صوتي
شعاع منكسر
السويس مايو 2004
|
ليست هناك تعليقات:
إرسال تعليق