دنيا
باغربل روحي
و افضي الهم على سطح شفايفي
و ابوح بحروفي الزهقانه
من كتر تغير الكلام
و من إزازة الحبر الاسود
اللي ماليه الذاكره
يوم ما افضفض تندلق
تملي السطور
تجري أحزان السنين
ورا بعضها ...
تتشبِك حبات إديها
و تلف حواليا دواير
خايفه تبعد
|
حاسه بالغدر ...
لو عنى رحلت
قد ايه للحزن أصل
ينفرد .. يملي كل الكون
يسرح فى شعري
و يعْقُد ضفيرتى
ينشف عنيه
بمنديله الهديه
ياه.. كان أد إيه
غالي عليه
عمري اللي يا ما اتنطط
على حجر زمني وفار
و لون شبابي المدندش
|
بالورد وقت النهار
و عيون آمالي العنيده
بدوب ف عشق الحياه
و بتتعصر دنيا
و الدنيا ...
واخده الحكايه هزار
السويس اكتوبر 2004
|
ليست هناك تعليقات:
إرسال تعليق